دوري كأم في دعم ابنتي ذات الشلل الدماغي

Date

2018/11/05

Profile pic

أم لشابة لديها شلل دماغي

في هذا الفيديو تتحدث ريم محيسن أم لشابة لديها شلل دماغي عن دورها كأم في دعم ابنتها ذات الشلل الدماغي. 

لما بتول اختارت إنها تدرس (غرافيك ديزاين)، طبعاً هيّ لحالها، هيّ رغبتها، أنا ما عارضت، قُلتلها بالعكس إلي بتحبيه اعمليه، وأنا آمنت فيها، فقالت أنا بدي أدرس (غرافيك ديزاين) لإني حابة هاد التخصص أو هاي الشغلة، فقلتلها يعني عادي إلي بدك ياه اعمليه، وأنا يعني طبعاً دعمتها بهاي الشغلة، وكانت هاي الشغلة من وهي صغيرة تحب إنه تدرس، ترسم، تعمل قصص زي هيك، بس لما كبرت، قالتلي ماما أنا بدي أدرس (غرافيك ديزاين)، قلتلها أوك، فأنا يعني ما كنت من هي صغيرة إنه مخططة إيش تدرس أو إشي، أنا كان المهم إنها تاخد شهادة والتخصص إلي بدها ياه، إلي بتحبه أو بترغب فيه يعني هي تختاره.