جوانب يجب مراعاتها عند تصميم البرنامج التعليمي

Date

2018/11/26

Profile pic

أخصائية تربية خاصة

في هذه الفيديو  تتحدث أخصائية  التربية الخاصة  رنا عن الجوانب التي يجب مراعاتها عند تصميم البرنامج التعليمي  

لما بدي أصمم البرنامج التعليمي مهم كتير إني انتبه على مجموعة من الجوانب:

  • بدي أفكر بموضوع المعرفة وأركز على النوع وليس على الكم، وبدي انتبه إيش هي المعرفة إلي بده يحتاجها هاد الطفل في حياته اليومية وحياته العملية؟ أديش هاي المعرفة عم بتشجعه على الاستقلالية؟

 

  • بدي أطلع كمان على المهارات إلي لازم أزود فيها هاد الطفل، في مهارات اجتماعية مهمة، في مهارات تواصلية ومهارات أخرى حياتية إلي أنا إذا زودته فيها معناته أنا خطوة خطوة عم بشجع الاستقلالية وبشجع إنه يصير في عنده مهارات الحياة.

 

  • أيضاً لازم انتبه لما بصمم البرنامج التعليمي إنه عم بحتوي على مفاهيم أساسية بحتاجها الطفل لحياته اليومية

 

  • ومهم جداً بهاد البرنامج التعليمي ما ننسى المواقف إلي إحنا بدنا يتحلى فيها هاد الطفل مثل مواقف احترام الآخرين، مواقف الثقة بالنفس ومواقف الاستقلالية.


  ونحنا عم بنصمم البرنامج التعليمي مهم كتير ما نغفل إنه احنا نعرف مواهب هاد الطفل، شو بحب هاد الطفل؟ إيش المهارات والمواهب المهمة إني أنا أركز عليها؟ ودائماً بكل التصميم تبعي لازم أكون عم بفكر إنه أنا بدي التعليم يكون إله معنى ومرتبط بالحياة.
 

Date

2018/11/26

Profile pic

مؤسسة ومديرة مركز الكاشف للتعليم الجامع في المدرسة الأهلية للبنات ومدرسة المطران، تأسس المركز من ٢٥ سنة بهدف تلبية الإحتياجات التربوية الخاصة للطلاب والطالبات في المدرستين، زوجة وأم لصبيتين، عضو في المجلس الأعلى لشؤون الأشخاص ذوي الإعاقة

اترك تعليقاً