تعليم الأشخاص ذوي التأخر التطوري المهارات الاستقلالية

Date

2018/11/14

Profile pic

أخصائية علاج وظيفي 

في هذا الفيديو تتحدث أخصائية الوظيفي  د. سنا عن كيفية تعليم الطفل المهارات الاستقلالية مثل الأكل بمفرده

متى نخلي الطفل ياكل لحاله؟ سؤال بيسألوه كتير من الأمهات طبعاً بعتمد على طبيعة الطفل وعلى مدى تطوره لكن كل ما حاولنا نساعد الطفل يبدأ يكون هاي المهارة لوحده كل ما كان أفضل. الأطفال ممكن يبدأو من عمر 6 أشهر يمسكوا قنية الحليب لوحدهم، وممكن على عمر 7 - 8 أشهر يبدأو ياكلوا أشياء بسيطة بيدهم طبعاً بوجود الأهل حوليهم ياكلوا أشياء بسيطة متل خبزة صغيرة أو شقفة بسكوتة صغيرة بإيديهم.

على عمر السنة ممكن نبلش نعطي الطفل ملعقة طبعاً المعلقة لازم تكون عريضة وبلاستيكية وكمان ممكن يبلش الطفل يشرب من الكأس لحاله، هاي المهارات بدها وقت ونتحمل شوي الفوضى إلي بتصير، ممكن نحط شقفة نايلون تحت الطفل حتى شو ما كب ما يكون في توسيخ كتير، نطول بالنا عليه ومع الوقت والممارسة بتصير أفضل.

زي ما حكينا بنبلش نخليه ياكل بإيده لوحده وبعدين بنبلش بالمعلقة والكاسة وبعدين بتطور بعمر السنتين ممكن مثلاً يبلش يمسك شوكة بإيد ومعلقة في إيده التانية، كل ما تعرض الطفل أبكر لإنه يحاول ياكل لوحده كل ما كان تطوره بهاد الموضوع أسرع وكل ما كانت استقلاليته بإنه يكون يأكل لوحده بتكون كمان أسرع.      

Date

2018/11/14

Profile pic

زوجة و أم لثلاثة أبناء. حاصلة على دكتوراة في العلاج الوظيفي. تخصصها وحّبها وشغفها للعمل مع الأطفال والذين يواجهون مشاكل نمائية أو تطورية. تعمل حالياً في الجامعة الأردنية و تدرّس المواد التي تختص تطور الأطفال و العلاج الوظيفي و لها علاقة بالتحديات النمائية و تطورية و الذهنية كما أن لديها ابن أخت من ذوي التحديات التطورية

 

اترك تعليقاً