تطور اللغة عند الطفل من الولادة حتى عمر السنة

Date

2020/11/17

Profile pic

أخصائية النطق واللغة

في هذا الفيديو تتحدث أخصائية النطق و اللغة هوازن عن تطور الطفل من الولادة حتى عمر السنة 

تطور الطفل من عمر الولادة لعمر السنة، بهاي المرحلة بيكون الطفل بيتواصل عن طريق البكاء، بيبكي لثلاث أسباب :

  •  بسبب الجوع.
  •  بسبب المرض.
  •  أو بدو غيار . 

هاي المرحلة بضلها ماشية لحد ال 3 شهور وبعد ال3 شهور بصير يطلع (ا، و،ي)  يببلش يتفاعل اكتر ويقدر يلعب معانا بنضلنا ماشيين في هاي المرحلة أصوات أصوات بنسميها أصوات العلة لحد عمر تقريبا ال 4 شهور هون ببلش الطفل يطلع أصوات خلفية متل: (اغغغغ، جيجيجي، كيكيكي )

هون بيصير التفاعل واللعب مع الطفل كتير أحلى وبنشوف التفاعل بنظرة عين الطفل بيلحقنا وين ما نروح وين ما بنيجي، بعد فترة بتختفي الأصوات الخلفية، بتختفي وبتظهر الأصوات الأمامية عند الطفل متل : (با، ما، تا، دا)

من عمر 6 - 9 شهور ببلش الطفل يطلع مقاطع زي: (نا نا، دا دا، تا تا)، هاي المرحلة كتير مهمة وخطيرة الطفل إذا ما أنتج هاي الأصوات لازم ضروري كتير نفحص سمعه لإنه أغلب الأطفال الصم بكون عند هاي المرحلة وقف ما قدر يطلع وينتج أصوات أكتر. 

المرحلة إلي بعد يلحن الأصوات بعد هذه المرحلة يبدأ الطفل بإنتاج أصوات من عنده وبيخترعها مثلًا: مبو يعني بده مي، نانا بده تيتا مثلًا أو نمة بده ياكل.

نصيحتي لكل حدا ابنه ما مرق بهاي المراحل إنه لازم أول خطوة نروح عند طبيب الأطفال ونتأكد إنه ما في ولا مشكلة عضوية، هون بنكون لقينا نص الحل، الحل التاني بكون فينا إنه لازم نقضي مع الطفل وقت كتير أكتر نلعب معاه، نتفاعل أكتر معاه ونقضي وقت معاه ونحكي معاه أكتر، كتير مهم قديه احنا بنحكي مع الطفل منها عم بخزن لغة واحنا مو عارفين نحكي معاه إنه عادي حدا كبير واحنا بالمطبخ واحنا بنضف لازم نشركه بكل اشي احنا بنعمله من هون ببلش نمو الطفل يصير أحسن وتفاعله بصير معانا أحسن وأفضل.

Date

2020/11/17

Profile pic

بدأت حياتها المهنية عام ٢٠٠٥ حيث درست علم السمع والنطق بالجامعة الأردنية، بدأت الهاجس بالإهتمام بالأطفال من ذوي التأخرالتطوري (التأخر النمائي) منذ طفولتها حيث كان إبن الجيران متأخرعن أقرانه مما جعلها تفكر في وسيلة كيف يمكنها مساعدته هو وغيره في المستقبل

اترك تعليقاً