بعض الإرشادات للأهل للتأكد من جودة برنامج التأهيل الخاص بطفلهم ذو التأخر التطوري

Date

2018/6/07

Profile pic

استشارية في الشؤون التربوية الخاصة 

 في هذا الفيديو تتحدث الإستشارية في الشؤون التربوية الخاصة هالة  عن إرشادات للأهل كيف يمكنهم تقييم جودة برنامج التأهيل الخاص بطفلهم.

كتير من الأحيان بكون عندكم برنامج متكامل وماشي والولد عم يتقدم منيح، بتسمعوا عن نوع تدخل أو نوع علاج بعيادة معينة أو حد عم يعطي برنامج عالكمبيوتر بيعطي نتائج منيحة

  1. للقراءة
  2. للكتابة
  3. للحساب
  4. للمهارات الإدراكية ومهارات مختلفة

وبتصيروا بدكم تروحوا وتجربوا كل هالبرامج المختلفة إلي إلي الموجودة في مجتمعكم المحلي! أول إشي بدكم تسألوا حالكم :

  1. هل هاد البرنامج انعمل عليه بحوثات؟ 
  2. وفي نتائج واضحة عن هاد التدخل؟

هاد أول سؤال بتسألوه، وإذا كان هالبرنامج إلي عالكمبيوتر أو بيشتغل على مهارات معينة مثلاً عندكم ولد عنده ديسلكسيا وفي برنامج عالكمبيوتر بساعد الأطفال إلي عندهم ديسلكسيا تكونوا واضحين ليش عم تاخدوا هاد البرنامج، لإنه هاد البرنامج ما رح يغطي كلشي، كل احتياجات ابنكم، الأرجح رح يشتغل على جانب واحد ولازم تكونوا واضحين إيش النتيجة إلي رح يحصلها في نهاية هاد البرنامج المعين.

بس ديروا بالكم كمان من التدخلات إلي وقت تقرأوا عنها بالإنترنت عن الأهل إلي بيحكوا: أه ابني تحسن، ابني صار هيك فيه، ابني صرله هيك، ما كان ابني تقدم لو ما عملت هاد التدخل، هدول العلاجات كتير من الأحيان ما بحطولكم حكي الأهل إلي جربوا بس فشلوا، فديروا بالكم من التدخلات إلي بس مبنية على حكي الأهل وليس على بحوثات.

Date

2018/6/07

Profile pic

تحمل درجة الماجستير في التربية الخاصة، لدى هالة 40 عام من الخبرة المتنوعة في العمل في مجال التربية الخاصة، عملت مع العديد من الأهالي ودمج أطفال من ذوي التحديات الذهنية في عدد من المدارس، شغف هالة هو العمل مع الأهالي والعمل مع الأطفال ذوي التحديات الذهنية في عمر مبكر

اترك تعليقاً