برامج تحليل السلوك التطبيقي (ABA) وكيفية تطبيقها

Date

2018/11/04

Profile pic

أخصائية تحليل سلوك تطبيقي - BCBA

في هذا الفيديو تتحدث أخصائية تحليل السلوك التطبيقي رزان  عن كيفية تطبيق برامج تحليل السلوك التطبيقي ( (Applied Behavior Analysis (ABA)

 

الـ ABA هو علم، هاد العلم بيعتمد على دراسات، هاي الدراسات أثبتت إلنا إنه إحنا كأشخاص سلوكياتنا تعتمد على قوانين معينة، من ضمن هاي القوانين:

  • قانون التعزيز 
  • وقانون العقاب
  • وقانون التحفيز

 على أساس هاي القوانين إحنا سلوكياتنا بتتغير:

  • يا بتزيد
  • يا بتقل
  • يا ممكن تنقرض

فمثلاً ممكن يكون عندي شخص إذا مثلاً بيعمل سلوك عجبني وأحكيله إنه شكراً، بس كلمة شكراً إذا صار سلوكه زاد ممكن هاي تكون تعزيز بالنسبة لهاد الشخص، ممكن زي قانون العقاب إنه ممكن شخص بسوق بطريقة سريعة أخد مخالفة أدت إنه بطل يسوق بطريقة سريعة فهاي بيكون صار فى عقاب. بس المهم إلي إحنا نعرفه بالـ ABA إنه هاي القوانين بتنطبق على الكل بس إنه لما بده ينحط برامج عشان تغير سلوكيات لازم تكون هاي البرامج فردية، لأنه المعززات والتحفيز والعقاب ممكن تختلف بين الشخص والآخر فما بقدر أنا أحط نفس البرامج لكل الأشخاص لأنه ما هينفع.