برامج التواصل البديل هل تلغي دور جلسات النطق؟

Date

2018/11/12

Profile pic

أخصائية نطق ولغة

في هذا الفيديو تتحدث أخصائية النطق واللغة آية الجازي عن تساؤل الكثيرين وهو هل تلغي برامج التواصل البديل دور جلسات النطق؟ 

هل طفل عمره ٨ سنين ولساته ما بيتكلم لازم نوقف جلسات النطق واللغة أو نعطيه طريقة تواصل بديلة يتواصل فيها؟ أنا دائماً مع إنه الطفل لازم يعبر عن حاله لازم يطور لغة فإذا أعطيناه طريقة تواصل بديلة مثل إلي هو ممكن يكون بيكس، ممكن يكون برامج على الآيباد إنه هو يتواصل فيها بكون الأنسب، لإنه حرام نحرمه من إنه هو يتواصل مع الناس وإنه يبني لغة، بس بنفس الوقت هاد لا يعني إنه مش ممكن يتكلم أو لازم نوقف جلسات النطق واللغة ونركز على إنه يحكي لإني أنا بعرف إنه هاد أمل الأهالي دائماً إنه يسمعوه بيحكي "ماما"، بسمعوه يحكي الأشياء البسيطة إلي هو بِدّه إياها، فبنتمنى دائماً إنه كل الأطفال يحكوا ما بنحب نمنعهم أو نحد من أديش هم ممكن يتطوروا فما في مانع إنه يضله يأخذ جلسات نطق ولغة بس بنفس الوقت لازم نعطيه طريقة تواصل بديلة.

Date

2018/11/12

Profile pic

أخصائية نطق ولغة، درست علوم السمع والنطق بالجامعة الأردنية وأكملت دراسة الماجستير بجامعة في بريطانيا.بدايةً أرادت العمل مع الأشخاص الذين يعانون من صعوبة البلع ومرضى السرطان الذين يفقدون صوتهم ومساعدتهم في التأهيل بعدها، ولدت بنت أخيها ذو متلازمة داون، وتغيّر مسار حياتها العملية،  بدأت البحث عن دورات وورشات لمساعدة هذه الفئة والتدخل المبكر،من بعدها بدأت العمل مع الأطفال درسّت بالجامعة الأردنية لمدة أربع سنوات ، ثم عادت لتعمل مع الأطفال. افتتحت مركزها الخاص، ويحوي تخصصات أخرى لتمكين الأشخاص ذوي الإحتياجات الخاصة

 

اترك تعليقاً