بدايتي مع طفلي من ذوي التأخر التطوري

Date

2018/10/31

Profile pic

أب لطفل من ذوي التأخر التطوري

في هذا الفيديو يتحدث رمزي شقير أب لطفل من ذوي التأخر التطوري عن  بداياته مع طفله.

وقت ما اكتشفنا إنه راكان كان عنده احتياجات خاصة "تأخر نمو"، قررت أنا أتعامل مع الموضوع بشكل عملي ، أكون عامل مساعد للعيلة عنا، وكان ضروري جدا أشوف ما أخلي التأثير هاد تأثير اكتشاف إنه راكان عنده تأخر نمو يأثر علينا كتير، جزء كبير كان مشان ادعم زوجتي وأفهمها إنه احنا بنقدر نعمل أي شيء بنستطيعه مشان ندعم ركان، إن كان من ناحية دعم مادي أو دعم معنوي وبرضه مشان الأولاد :ينال وياسمين كمان يكونوا جزء كبير من الدعم هاد، ركان طفل هادئ جدا الحمد لله وهاي من أحلى صفاته، عنده ضحكة حلوة كتير بنحب نسمعها دايما وبعتبره أنا زي مهدئ النا، يعني اذا الواحد قعد معاه أو عبطه بنسى هموم الدنيا كلها، فتعاملنا معاه تعامل مريح جدا والحمد لله يعني هو جزء كبير من حياتنا معنا دايما وين مابنروح فقليل جدا مايكون معنا ركان لمن نطلع من البيت.