المهارات الحرفية المهمة للأشخاص ذوي التأخر التطوري لتعلم وظيفة معينة

Date

2018/11/01

Profile pic

مديرة  مركز تأهيل مهني

في هذا الفيديو تتحدث مديرة مركز التأهيل المهني  فلسطين عن المهارات الحرفية المهمة للأشخاص من ذوي  التأخر التطوري (التأخر النمائي) لتعلم وظيفة معينة

لأ في عنّا مهارات أساسية وحياتية، في عنّا مهارات حرفيّة ومهنيّة، بنبلّش دائماً بالمهارات إلي هي سهلة زي العناية الشخصيّة، السلامة المهنيّة، أخلاقيات العمل، إيش المسموح إيش الممنوع، إيش التعليمات الموجودة بالعمل، بعدين بننتقل للتواصل، تواصل لفظي، تواصل غير لفظي، مهارة الإستماع، بعدين بناخد عن تحديد الأهداف وإدارة الوقت وتحديد الأولويات. كمان بندربهم على التفكير الإيجابي وهاد كتير مهم، وحل المشكلات، وخصوصاً إنه هم منتقلين لمرحلة جديدة، ناس جداد، مكان جديد، بيئة جديدة، فأكيد رح تواجههم كتير تحديات وصعوبات، فهاي المهارات كلها لازمة قبل التشغيل.

بالنسبة للمهارات الحرفيّة أو المهنيّة، هاي بتكون حسب الوظيفة، فإذا كان الشخص بدو يدّرب أو بدو يشتغل في مجال النجارة مثلًا، فكل المهارات إلي بدو يدّرب عليها إلها دخل بإنتاج القطع الخشبية، كيف أشغل الماكينات، قواعد السلامة، أو إذا كانت مثلًا صبيّة أو شب بدو يدرّب أو بدو يشتغل بمجال الخياطة، فكل المهارات إلي بدو يتعلم عليها بدها يكون إلها دخل في الخياطة، بالقص، بالرسم، بتشغيل الماكينات، بالكوي، بالتشطيب، بالإنتاج، بعمل ملابس، عمل قطع فنيّة. فالمهارات إلي يتعلموا بتكون حسب الوظيفة إلي بدو يشتغل فيها. هلأ إذا كان بدو يروح على الطبخ مثلاً، على موضوع بدو يشتغل في المطبخ، فبرضو بدو يتعلّم المهارات إلي الها دخل إذا كان بالمطبخ البارد، المطبخ الساخن، مطبخ الحلويات، فهي مهارات مختلفة بناءاً على إمكانيّاته وقدراته ورغبته وين هو بدو يشتغل.