المهارات الإستقلالية و كيفية تعليمها للطفل

Date

2018/11/25

Profile pic

أخصائية تحليل سلوك تطبيقي - BCBA

في هذا الفيديو تتحدث أخصائية تحليل السلوك التطبيقي رزان  عن كيفية تعليم الطفل المهارات الاستقلالية مثل تعليم الطفل مهارة تفريش الأسنان

كيف ممكن نعلم الطفل المهارات الاستقلالية زي تفريش الأسنان؟ أهم إشي نتذكره إنه نحاول ما نعطي الطفل إرشادات لفظية، الإرشادات اللفظية بتخلي الطفل يعتمد على هاي الإرشادات عشان يعمل أي مهارة استقلالية، فاحنا أحسن اشي إنه:

  • نوقف ورا الطفل ونرشده بجسمنا فمثلاً هي هيك فرشاية الأسنان بتكون موجودة هون مش أنا برفعله إياها
  • بمسك إيده وبخليه هو يرفع فرشاية الأسنان وإذا ماسك فرشاية الأسنان غلط

لإنه هاي معظم الأطفال الي عندهم احتياجات خاصة بتكون مرة المسكة تبعتهم مش مزبوطة مش أنا بصلح إله الفرشاة حتى لو إيده مش عارفة تمسك الفرشاة بحاول أخليه يمسك الفرشاة صح بإيده التانية يزبطها.

  • فبعمل هيك كل الخطوات بفرجيه إياها برفع إيده هيك بخليه يعمل 1 2 3، فوق 1 2 3 إلخ… كله
  • وبس يخلص ممكن أحكيله شاطر وأنا عم بعمل هاد الإشي برجع ما بحكي معاه للطفل
  • وقعت فرشاة الأسنان منه مش أنا إلي بجيب فرشاة الأسنان بخليه هو يجيبها عشان يتعود الطفل يعمل كل إشي لحاله لإنه ممكن توقع فرشاة الأسنان منه، ممكن يوقع غطاء معجون الأسنان منه ما رح يكون في حد حواليه عشان يقيمله إياه

لازم يتعود على كل إشي بطريقة طبيعية وكل ما كان بطريقة طبيعية أكتر كل ما كان أحسن وكمان مش كل مرة أول يوم يومين بضل أعمله كل الخطوات أنا بساعده فيها

  • وبعدين ممكن شوي أصير أسحب
  • وبس ألاقي إنه هو مش عارف الخطوة أساعده عشان برضه ما يعتمد علي لكل الخطوات
  • وبعدين بشوف كل ما صرت أحس إنه هو بعرف الأشياء أكتر كل ما ببعد عنه فبصير يعرف يفرش أسنانه لحاله