المجتمع وعلاقته بمتلازمة داون

Date

2018/11/25

Profile pic

أب لطفلة من متلازمة داون

في هذا الفيديو  يتحدث مشهور  أب لطفلة من متلازمة داون عن المجتمع وعلاقته بمتلازمة  داون (Down Syndrome)

ثلاث أشياء ممكن أغيرها بالمجتمع، يعني ممكن تستغربوا حكيي و لكن أنا كتيرجزء مني مبسوط من مجتمعنا في قبول كبير لحد ما، يعني ما كان عندي أي حوادث أني أحس المجتمع غير متقبل، يمكن لازم احنا كأهالي شوي نكون إحنا نتقبل وضعه و احنا نطلع في كأنه مافي مشكلة، ولادنا جزء من المجتمع وأعتقد أنه واجب على كل فرد بالمجتمع أن يحتضنهم و يقدم لهم شيء.

اكيد ما بتخلى بتصير معك مواقف مضحكة مرات بس برضو يعني مع الناس نفسها بس نفس الناس طيبة عنا، ممكن أسئلتها مرات تكون غريبة بالنسبة الك. واحد يقلك: بعدها ما طابت؟ متلازمة داون ما حدا بطيب منها هي شيء بدها تتعايش معه بحياتها و لكن القصد منه نبيل و قصده السؤال نبيل، بس هاد الشيء أظن مع التوعية و مع برامجنا هاي كلها أعتقد أنه بتغير هاد الشي بالمجتمع وبتفتحه و بتثقفه أكتر. 

بس من بعض الأمور الي بتمنى أنها تتغير المدارس نوعا ما، للأسف المدارس الي فيها دعم للحالات الخاصة و للإحتياجات الخاصة عم بتكون نوعاً ما تجارية الى حد ما، همهم المصاري للأسف الشديد، بده يجبرك تجيب ولادك كلهم عشان يقبل بوحدة من البنات بينما أنت ممكن بدك تفصل الأولاد عشان بدك تعطي كل واحد حريته و تعطي كل واحد مساحته، وللأسف هاي واجهناها مع مدارس من المفروض أنها من أفضل المدارس ومن أكثرها تقبلاً و ثقافةً.

و بنفس الوقت الحمدلله بترجع بتشوف برضو في مدارس أخرى لا طلعت عن وضعها الحالي، يعني نوف كان عندي مشكلة بإدخالها بوحدة أنه وين ألاقيلها مدرسة للصف الأول ، مدرستها الي هي كانت فيها و حضانتها الي هي كانت فيها قررت فتح قسم بس عشان نوف للإحتياجات الخاصة، فيعني كل ماتشوف شيء سلبي بنفس الوقت بيجيك حدا بقلك لا لسا الدنيا بخير و في ناس بتساعد، الحمدلله.

Date

2018/11/25

Profile pic

يعمل في مجال اللوجستيك، لديه عدة هوايات من ضمنها الطبخ والإهتمام بالسياحة. متزوج من هبه ولديهم ٣ أطفال العنود ٩ سنين ، نوف ٨ سنين وبسام ٨ شهور. ولدت نوف وهي من متلازمة داون .يعبّر مشهور عن مشاعره ويقول كانت رحلة شيّقة

اترك تعليقاً