الفرق بين المسح و التقييم و التقويم

Date

2018/10/30

Profile pic

خبيرة بالطفولة المبكرة و التدخل المبكر

في هذا الفيديو  تتحدث الدكتورة  سهى الخبيرة بالطفولة و التدخل المبكر عن الفرق بين المسح و التقييم و التقويم

 

هلأ بالنسبة للفرق بين الإجراءات المسحية الكشفية خلينا نقول والتقييم والتقويم طبعاً هو فرق كبير. المسح بشكل عام المفروض إنه يطبق على كافة الأطفال بلا استثناء، زي المسح العام للمواليد الجدد، لاضطرابات الغدة الدرقية، في بعض الأحيان بكون في كشف، بكون في كشف للسمع، هاد إجراء بتم لكل الأطفال لحتى نكتشف من سن مبكر إذا الطفل عنده تأخر يحال إلى التشخيص، التشخيص أو التقييم خلينا نقول بشكل أساسي بيختلف بنرجع بنأكد حسب الإعاقة، يعني إذا أنا بحكي في بعض الإعاقات يفترض إنه سببها أو منشأها عضوي هون بده يكون في تشخيص خلينا نقول تكاملي من أكتر من تخصص، بيدخل فيها أكتر من شخص، وبالتالي بكون وقتها أطول. 

هلأ بنرجع بنأكد في مرحلة الطفولة المبكرة احنا لا نعتني بالتشخيص بقدر ما بنعتني بالتقييم والتقويم. التقييم والتقويم هو تطوير خطة للطفل بتستند لنتائج أدائه على أدوات التقييم بشكل أساسي، وتطوير الخطة هاي لا بد نشوف مستوى استجابة الطفل للمعالجة، على الأقل 3 أشهر كحد أدنى نشوف أديش الطفل بستجيب معانا للمعالجة لحتى نأكد هل فعلاً المنشأ عضوي ونحيله بعدها للمزيد من التشخيص ولا المنشأ بيئي بتعديل البيئة والتفاعلات البيئية مع الأسرة ممكن الوضع يتحسن. وهاد باختصار الجواب.    

Date

2018/10/30

Profile pic

حصلت على الدكتوراة في التربية الخاصة سنة 2008 من مؤسسين التدخل المبكر في الأردن عام 1994 عن طريق مشروع للمكفوفين وأول منسق لبرنامج بورتج 1997 خبرة تمتد لأربع وعشرين عام في مجال التدخل المبكر، أم لخمسة أبناء

 

اترك تعليقاً