الفرق بين التسمية والطلب والسؤال

Date

2018/11/11

Profile pic

أخصائية نطق ولغة

في هذا الفيديو  تتحدث أخصائية النطق واللغة غدير صيصان عن الفرق بين التسمية والطلب والسؤال

في فرق كتير كبير بين التسمية والطلب والسؤال، أوك، هلأ أنا كأخصائي أو أهل لازم أكون عارفة ايش أنا بدي من الطفل معنى مثلا أنا بدي من الطفل يسمي الإاشي معين. شو هاد ؟ تفاحة. هاي تسمية، فأنا طلبت من الطفل كلمة، أو ممكن تكون جملة بسيطة مثلاً : تفاحة حمراء ، سيارة كبيرة،هاد تسمية، أوك، هلأ لما نيجي احنا بدنا نخلي الطفل إنه يسأل سؤال، فإجى حكالي مثلا: سيارة أوك ، هاد هو سمى، أوك ، بس بدي أعلمه إنه يحكي شو لون السيارة، أوك فهو إنه لازم يتعلم إنه يحكي السؤال أوك (أنا بدي السيارة).

ما لازم أنا احكي سيارة،لازم بقدر اخد السيارة، هون هو سأل ، أو السيارة ايش مالها مثلا السيارة خربانة أو ضايعة ،وين السيارة، هون هو هاد هو سؤال ،أو أنا إذا أنا بدي يجاوب على السؤال، مثلا: شو لون السيارة ؟ لون السيارة أزرق ، فهو هون الطفل قدر إنه يميز أنه هون في سؤال يا إما أنا بسأله أو الأخصائي عم بسألني إياه، أما بالنسبة للطلب، فهو أنه هو الطفل بيطلب الإشي، يعني مثلاً : إذا بده تفاحة أوك، ما بنقبل منه أنه يحكيلنا يس تفاحة لازم يحكيها بصيغة الطلب، ماما أنا بدي تفاحة أو أعّطني تفاحة أو هات تفاحة، حسب ايش اللغة المطلوبة بالعيلة أو مع الأخصائي أوك،فلازم نساعد الطفل بأنه يخصص ويميز بين أنه هو يطلب الإشي ، أو يسأل عنه، أو بس إنه يسميه، واحنا هيك بنساعده بأنه يميز بالفرق بين هدول الأشاء، أولاً ب لما نيجي نعلمه إنه ، شو هاد ؟ سيارة، بعدين نعلمه أنه يسأل عنها، أو يجاوب السؤال، أوكيف لما اجي أنا اعطي اياها أو هو بده هاي الشغلة المعينة كيف هو يطلبها يطلب الشيء.

Date

2018/11/11

Profile pic

أخصائية نطق ولغة، درست في الجامعة الأردنية خبرتها تمتد لعشر سنوات مع الأطفال ذوي الإحتياجات الخاصة، عملت في عدة مراكز وحالياً تعطي جلسات فردية منزلية، بالنسبة لغدير الإنجاز هو أن ترى الطفل ينطق أول كلمة

 

 

اترك تعليقاً