العلاقة بين الأهل والمختصين وأثرها على تطور الطفل ذو طيف التوحد

نقطة كتير مهمة ممكن يكون إلها أثر إيجابي على أولادنا وهي العلاقة بين الأهل والمختصين، الأهل والمختصين لازم يكون بينهم علاقة جيدة حتى يكون الشغل مع الطفل إله فعلاً أثر إيجابي وحتى المختص يكون في عنده حافز قوي إنه يحقق نجاح مع طفلي. حق المختص على الأهالي مش بس فلوس ياخدها مقابل شغله، الفلوس هاي بلا شك مقابل شغله ووقته فهاي مفروغ من أمرها، حقه علينا كمان الإحترام، حقه علينا إنه إحنا نشاركه مشاعرنا تجاه طفلنا أو نشاركه شو أهم النقاط إلي بتفرق معنا يعني مثلاً لازم أقوله أهم سلوك مثلاً أنا بكونلي تحدي بالنسبة لإلي أو مشكلة حابب اشتغل عليه بالأول، شو أكتر مهارة أنا شايفها ممكن تساعده واطور من قدرات ابني، لازم يكون في نقاش مستمر.

لازم يكون في شكر من الأهل من قِبَل الأخصائي، الأخصائي كمان بيتحمل ضغط نفسي بسبب الأطفال مش بس نحنا، الأخصائي كمان بواجه ضغوطات، الأخصائي ممكن ولد من ولادنا ممكن يمد إيده عالأخصائي، ممكن يسببله إزعاج فلازم كمان إحنا نراعي حالتهم النفسية وشعورهم حتى هم كمان يكون شعورهم تجاه أطفالنا إيجابي أكتر ويحبوا إنهم يحققوا معهم نجاح أكبر.

مرض التوحد (Autism) من الأخطاء الشائعة  فهو اضطراب تطوري (اضطراب نمائي) وليس مرض.