العلاج السلوكي المعرفي في علاج الإكتئاب

Date

2019/12/15

Profile pic

أخصائية نفسية

في هذا الفيديو  تتحدث الأخصائية النفسية سامية جبري عن العلاج السلوكي المعرفي في علاج الإكتئاب

بعد ما نبلش نغير هاي الأفكار و تبلش الأفكار تروح  و يتغير مفهومها و تكون هالأفكار غير عقلانية يصير بدالها أفكار عقلانية، هلأ  ح نحكي شوي عن الاكتئاب و كيف نستعمل فيه العلاج المعرفي السلوكي، طبعا الاكتئاب أساسه كمان نفس الشي بنرجع بنحكي زي ما حكينا بالفيديوهات القديمة  اللي هو أساسه أفكار  و هاي الأفكار هي اللي بتسيطر على الشخص وبتخليه  يتأثر على نفسه  وعلى مستقبله  وعلى سلوكه في التعامل مع البيئة اللي حواليه إن كان في البيت أو اذا كان هو بالمدرسة أو إذا كان في الجامعة أو إذا كان بالشغل، فهاد كله بأثر  الإكتئاب كله  على حياته.

 فإحنا هون  في العلاج المعرفي السلوكي للاكتئاب بنبلش نعرف شو الأفكار السوداوية اللي هي بتكون عند الشخص المكتئب و اللي بكون جاي للعلاج ، و نبلش نعرف شو سببها ؟ من وين أجت ؟ كيف صارت معه ؟ فهون إحنا بنبلش نحط الأفكار هاد و نرتبها أول الجلسات اللي أحنا بنشتغل فيها مع الشخص اللي بكون عنده اكتئاب.

 بعد ما نعرف هاي الأفكار بنبلش أحنا نشتغل على أولويات مين أي فكرة رح نبلش فيها  أو أي أمور إحنا بنبلش فيها  نشتغل فيها مع الشخص، بعد ما نبلش نرتب الأولويات في الأفكار بنبلش نشتغل في فكرة فكرة،  و بعد ما نشوف شو البداية اللي إحنا رح تشتغل عليها في الأفكار بنبلش نعمل إعادة تأطير لهاي الأفكار و تغيير لهاي الأفكار اللي هي بتأثر على الشخص بشكل كبير و على حياته.

 بعد ما نبلش نغير هاي الأفكار و تبلش الأفكار إنها هي  تروح و تتغير مفهومها  وتكون هاي الأفكار غير عقلانية و يصير عنا بدالها أفكار عقلانية هون الشخص بصير عند تلاشي للاكتئاب و تبلش حياته تكون شوية  طبيعية، يبطل زي أول بعدين في نهاية الجلسات أحنا هون بنصير نقله  شو يعمل لقدام في الخطط المستقبلية عنده أو اذا رجع في أشياء معينه،  كيف هو يتعامل مع هاي الأمور اللي بتأثر عليه في حياته؟ هيك إحنا حكينا عن العلاج المعرفي السلوكي و كيف بنستخدمه في الاكتئاب .