الدمج و التقبل بين الأطفال ذوي التأخر التطوري و أقرانهم

Date

2018/11/05

Profile pic

مستشارة تربوية ومدربة حياة

في هذا الفيديو  تتحدث الاستشارية التربوية  دينا عن الدمج والتقبل بين الأطفال ذوي التأخر التطوري وأقرانهم

بدنا نحكي عن موضوع الإنخراط والدمج بين الطلاب إلي احتياجاتهم مختلفة، برضو هلأ ما في إشي اسمه طالب ذو احتياجات خاصة وطالب لأ، هو إحنا كلياتنا عنا احتياجات خاصة كل بني آدم عنده احتياجات خاصة ناس أكتر من ناس بس أي أم بتعرف كل طفل من يوم ما انخلق وهو عنده احتياجات خاصة وزوجنا عنده احتياجات خاصة ومرتك عندها احتياجات خاصة إحنا كلنا عنا احتياجات وكلها خاصة بس بضل الفرق كيف بدنا نخلي الفروقات بين هاي الاحتياجات تكون مقبولة من ناس لناس، هي بهاي البساطة إذا إحنا بنفكر فيها بهاي البساطة بتصير حياتنا كتير أسهل. بنرجع بنحكي إذا الأهل والمجتمع بالأصل الأم هي قادرة تتقبل أي اختلاف بينها وبين إلي حواليها الطفل بالطبيعة رح يتقبل وينخرط مع المجتمع إلي حواليه، ببلش الموضوع بمثال كتير سهل كيف الأم بتتعامل مع جيرانها، أهلها، العالم إلي حواليها بيجتمعوا مع بعض بطريقة معينة مقبولة فالطفل بتعلم إنه يندمج مع الأقران إلي حواليه.