الخلافات الزوجية وعلاقتها بتنشئة الأطفال ذوي التأخر التطوري

كل بيت من الطبيعي إنه يحصل فيه مشاكل، يحصل فيه بعض الخلافات، يحصل فيه بعض المواقف إلي ما بصير فيها تفاهم بين الطرفين فهاد إشي طبيعي وبيحصل بكل البيوت بس إلي مش طبيعي إنه يتم أمام الأطفال، هاد الإشي كتير ممكن يأثر عليهم سلباً على نفسيتهم وعلى تطور مهاراتهم وعلى تفاعلهم وعلى فهمهم الصحيح للبيئة إلي حواليهم سواء كانت في المنزل أو خارج المنزل في المدرسة، في المركز، في الروضة في أي مكان موجود فيه. من الضروري لما يكون في خلاف بين الزوجين إنه يتم بعيداً عن الأطفال، ممكن يتم بعد أوقات نومهم، ممكن يتم في أماكن أخرى مش قدامهم حتى يتم تنشئتهم تنشئة صحيحة نفسياً، يكونوا عارفين السلوك المناسب اجتماعياً وما يكون في عندهم سلوكيات زي الصراخ، البكاء، الضرب، العنف بعض الأحيان بين الأخوة، فهاد إشي كتير مهم إنه نحنا ننتبه لإله.

مرض التوحد من الأخطاء الشائعة ، فهو اضطراب تطوري (اضطراب نمائي) وليس مرض.