الخطة التربوية الفردية لصعوبات التعلم أو التأخر التطوري

أي طالب ذو احتياجات خاصة بكون في عنده خطة تربوية فردية والخطة التربوية الفردية تحضر من قِبَل فريق بنسميه فريق الخطة التربوية الفردية، وبشارك فيها كل الناس إلي بشتغلوا مع الطالب مهما كانت وظيفتهم، مثلاً مرشد تربوي، معلمين من قسم المصادر التعليمية، معلمي ومعلمات الصف ومدراء إلخ … يعني كل الناس إلي بشتغلوا مع الطالب ممكن يكونوا بفريق الخطة التربوية الفردية.

الخطة التربوية الفردية بتنحط طبعاً بالأخذ بعين الإعتبار حاجات الطالب وقدراته، لما تنحط الخطة التربوية الفردية دائماً في المدرسة الدامجة بنوخد بعين الإعتبار إنه نعمل جهدنا نخلي الطالب مع أقرانه في الصف أطول فترة ممكنة وهاد بحصل بالأخذ بعين الإعتبار إنه الطالب عم بتعلم، الطالب عم بستفيد والطالب عم بتقدم بكل مهاراته، فإذا حسينا إنه من الأفضل للطالب إنه ينتقل إلى بيئة أخرى زي غرفة المصادر وهناك ياخد الحصة بطريقة مكثفة أكثر ولحاله مع المعلمة المساندة وشفنا إنه هاد أفضل إله لإنه بغرفة المصادر كمان في أدوات ومواد أخرى بتساعد في تعلم الطالب فهذا يحصل. إذاً يكون الطالب يومه المدرسي مقسم بين الصف العادي وصف المصادر، أما عن المواد الغير أكاديمية فدائماً بكون مع أقرانه فطبعاً كمان هاد الحكي بساعد الطالب إنه يطور حاله اجتماعياً ويحس حاله جزء من الصف زيه زي أي طالب آخر.

 الخطة التربوية الفردية أو الخطة الفردية تبنى على أساس تقييم مهارات الطفل واحتياجاته، فلكل طفل خطة تربوية فردية خاصة به