التعامل مع القلق والتوتر والمشاعر السلبية لأهالي الأطفال ذوي الاحتياجات الخاصة

Date

2019/12/16

Profile pic

أخصائية نفسية

 في هذا الفيديو تتحدث الأخصائية النفسية سامية جبري عن كيفية التعامل مع القلق والتوتر والمشاعر السلبية لأهالي الأطفال ذوي الاحتياجات الخاصة 

لازم نعرف إنه هاي المشاعر والقلق والتوتر كلهم هو أصلاً بس موجود في تفكيرنا وفي دماغنا، يعني الناس إلي حوالينا ما ممكن يشوفوه إلا إذا احنا قررنا انو إحنا انبينه إلهم. رح نحكي شوي عن نصائح للأهالي والأشخاص ذوي التحديات في التعامل مع القلق والتوتر والمشاعر السلبية .

أول شي: احنا دائما لازم ندون هاي المشاعر وهاد القلق والتوتر إلي بصير معنا، ونحطه ع ورقه ونكتبه عشان نعرف إحنا شو عم بصير عنا، ونفكر إنه شو عم بصير عنا في الأول.

تاني شي: لازم املأ وقت الفراغ اللي عندي ، أغلب وقتنا احنا مرات في النهار بكون وقت فراغ ما بنكون عارفين كيف احنا نتعامل معه؟ فعشان نخفف التوتر إلي عنا خلينا نملأ الفراغ بشي احنا بنحبه أو في هواية أو موهبة احنا بنحبها، كمان لازم اعرف إنه في أمور في حياتنا مش رح نقدر احنا نتحكم فيها ، مش ضروري انضل قلقلين فيها طول حياتنا وخايفين منها طول حياتنا.

كمان لازم دائما أفكر إنه احنا في أمور في حياتنا وهدف يكون في حياتنا، لازم نمشي عليه ما نقول احنا خلص،احنا عايشين وما إلنا أهميه في بالدنيا ، بالعكس احنا في هدف بحياتنا لازم نوصلوا ولازم نحققه ، كمان لازم نعرف إنه هاي المشاعر و القلق والتوتر كلهم هو أصلاُ بس موجود في تفكيرنا و في دماغنا .

يعني الناس إلي حوالينا ما ممكن يشوفوه إلا إذا احنا قررنا إنه احنا بدنا انبينله الهم ،ف دايما لازم نعرف انه احنا بنقدر نتحكم في هذا الموضوع وهذا الموضوع مش اشي كتير صعب إنه احنا نتحكم فيه، كمان لازم نصير نعمل تمارين التنفس،أنه تمارين التنفس كتير بتساعدنا احنا كيف نواجه هاي الأمور والقلق إلي احنا بنمر فيه ، ولازم دائما نتفائل لأنو التفاؤل كتير بساعدنا انو إحنا نقدر نتخطى أمور كتير في حياتنا .