التأخر اللغوي وعلاقته بالذكاء

Date

2018/11/12

Profile pic

أخصائية نطق ولغة

في هذا الفيديو تتحدث أخصائية النطق واللغة آية الجازي عن التأخر اللغوي وعلاقته بالذكاء. 

هل الطفل إلي عنده اضطراب نطق ولغة ممكن يكون في عنده ذكاء متدني أو مرتبط بالذكاء أم لا؟ أغلب الأطفال إلي عندهم تأخر لغوي مش شرط يكون عندهم ذكاء متدني، فممكن يكون ذكائهم في المعدل الطبيعي أو أكثر لإنه في مثلاً عندك اينشتاين كان عنده تأخر لغوي، في عندك ألفس بريسلي مثلاً كان عنده مشكلة بالنطق، مارلين منرو كانت بتأتأ، فهو مش بالضرورة إذا كان في حدا عنده مشكلة كلامية أو نطقية أو لغوية يكون في عنده ذكاء متدني ولكن إذا كان في ذكاء متدني هو رح يأثر على اللغة الإستقبالية وبالتالي بأثر على اللغة التعبيرية.

للأسف إنه في من الأشياء إلي إحنا بنشوفها كمان إنه بكون في طفل عنده مشكلة بسيطة ما بتتعالج بصفي هم تحصيله العلمي صعب لإنه ما بيقدر يكمل باللغة أو يأخذ من المنهاج زي ما لازم، فبصفي مثلاً هو المفروض يكون بصف رابع بس محطوط بصف أول لإنه ما أخذ علاج نطق و لغة مناسب وملائم لإله، فإحنا بنتمنى من كل البلد ومن كل الناس المسؤولة بهاد البلد إنها تبلش تتابع هدول الأطفال إلي بالمدارس إنه نشوف ليش عم بصير عندهم مثلاً عم بيطلعوا من المدرسة ليه ما عم بيقدروا يكملوا؟ أغلب المشاكل عم بتكون هي مبنية على أُسس القراءة والكتابة فما بيقدر يقرأ ولا يكتب فبصفي إنه هاد مش فاهم هاد ما بنفع للمدرسة ولكن بس بكون عنده مشكلة بسيطة حلها بكون علاج مثلاً مدة 6 أشهر لسنة أو ممكن حتى إشي أبسط من هيك وبتروح عليه الولد للأسف، فبنتمنى من كل البلد من كل إلي بيقدروا إنهم يساعدوا يبلشوا يساعدوا بهدول الأطفال.

Date

2018/11/12

Profile pic

أخصائية نطق ولغة، درست علوم السمع والنطق بالجامعة الأردنية وأكملت دراسة الماجستير بجامعة في بريطانيا.بدايةً أرادت العمل مع الأشخاص الذين يعانون من صعوبة البلع ومرضى السرطان الذين يفقدون صوتهم ومساعدتهم في التأهيل بعدها، ولدت بنت أخيها ذو متلازمة داون، وتغيّر مسار حياتها العملية،  بدأت البحث عن دورات وورشات لمساعدة هذه الفئة والتدخل المبكر،من بعدها بدأت العمل مع الأطفال درسّت بالجامعة الأردنية لمدة أربع سنوات ، ثم عادت لتعمل مع الأطفال. افتتحت مركزها الخاص، ويحوي تخصصات أخرى لتمكين الأشخاص ذوي الإحتياجات الخاصة

 

اترك تعليقاً