التأخر اللغوي لا يعني بالضرورة اضطراب طيف التوحد

Date

2018/11/12

Profile pic

أخصائية نطق ولغة

في هذه الفيديو  تتحدث أخصائية النطق واللغة آية الجازي عن التأخر اللغوي وعلاقته باضطراب طيف التوحد. 

هل تأخر النطق واللغة يعني توحد أم لا؟ مش شرط إنه كل تأخر نطق ولغة يعني توحد ممكن يكون في تأخر في التواصل الاجتماعي، ممكن يكون في تأخر بالنطق أو اضطرابات نطقية ولفظية منها مثلاً مشاكل الفنولوجية، في عندك كمان في مشاكل باللغة إلي هي اللغة الإستقبالية واللغة التعبيرية هاي مرات بتنتج معها سمات ممكن تشبه التوحد ولكن مش شرط إنه الطفل يكون عنده توحد.

إذا كان في عنده أي من هاي المشاكل طبعاً في كمان عنا مشاكل من مشاكل نطقية إلي هي الأبراكسيا في النطق، الأبراكسيا في النطق ممكن تندرج لحالها ومرات بتكون أو أغلب الأوقات بتكون عند الأطفال إلي عندهم توحد الغير ناطقين، ففي ناس مرات بتخلط بيناتهم، الأبراكسيا هي فعلياً خلل في تنظيم الحركي للأصوات إلي الطفل بده ينتجها ممكن يكون بده يحكي كلمة "باب" أو "بابا" تطلع معاه "باب"، هاي الكلمات إلي هو غير قابل على إنتاجها ما إلها دخل باللغة هو بكون عارف شو بده يحكي بس مش قادر ينتجها بالطريقة السليمة فالناس مرات بتخلط بيناتهم وبتفكر إنه خلص إذا كان طفل عنده dyspraxia أو apraxia of speech إنه هو ما رح يقدر يتكلم، وهاد مش هو الإشي المفروض يكون متعارف عليه، لأ أي طفل ممكن يسير ناطق وممكن يتحسن كتير فمش بالشرط إنه إذا كان عنده توحد يكون ما بيحكي ومش شرط إنه إذا ما بيحكي يكون عنده توحد، فهم هدول إلهم كل واحد إله تشخيص مختلف عن التاني.

Date

2018/11/12

Profile pic

أخصائية نطق ولغة، درست علوم السمع والنطق بالجامعة الأردنية وأكملت دراسة الماجستير بجامعة في بريطانيا.بدايةً أرادت العمل مع الأشخاص الذين يعانون من صعوبة البلع ومرضى السرطان الذين يفقدون صوتهم ومساعدتهم في التأهيل بعدها، ولدت بنت أخيها ذو متلازمة داون، وتغيّر مسار حياتها العملية،  بدأت البحث عن دورات وورشات لمساعدة هذه الفئة والتدخل المبكر،من بعدها بدأت العمل مع الأطفال درسّت بالجامعة الأردنية لمدة أربع سنوات ، ثم عادت لتعمل مع الأطفال. افتتحت مركزها الخاص، ويحوي تخصصات أخرى لتمكين الأشخاص ذوي الإحتياجات الخاصة

 

اترك تعليقاً