الأساليب الفعالة في مواجهة نوبات غضب وبكاء طفلي ذو اضطراب طيف التوحد؟

Date

2018/11/05

Profile pic

مسؤول المجتمع بمنصة حبايبنا.نت

في هذا الفيديو  يتحدث مصطفى أب لطفل لديه اضطراب طيف التوحد عن الأساليب الفعالة في مواجهة نوبات غضب وبكاء الطفل من ذوي اضطراب طيف التوحد.

 

نوبات الغضب والبكاء عند أطفالنا إشي طبيعي وبيحصل لكل الأطفال مش بس أطفالنا، كيف بنقدر نتجاوز هاي الأوقات، سواء داخل المنزل أو خارج المنزل في الأماكن العامة؟ أولاً الحفاظ على الهدوء، لازم نحافظ على هدوئنا، أي انفعال من قِبَل الطفل ما لازم نواجه بأي انفعال منا، لازم نكون هاديين، نتمالك أعصابنا، كلامنا واضح بلغة بسيطة، بلغة مفهومة عشان يوصل للطفل بشكل صحيح. في نوعين النوع الأول إنه هو بكون عم يعمل هاد السلوك فقط عشان بده يحصل على شيء أو عشان يهرب من أداء مهمة معينة، التصرف الأفضل فهاي الحالة إنه إحنا نحافظ على موقفنا، ما يتغير الموقف حتى ما تتزداد نسبة حدوث السلوك، إذا كان عليه تأدية مهمة ما لازم يأديها وإذا كان بده يحصل على شي وهاد الشيء مؤذي لإله إنه نحنا نضل محافظين على موقفنا وما نعطيه اياه أما إذا كان حابب يحصل على شيء ما إله قيمة فعلية أو ما إله أثر سلبي أو سيء عليه أو على حد تاني فمن الأفضل نكون نحنا مرنين في التعامل معهم، ما نتمسك بآرائنا بدون سبب، إذا في سبب للتمسك بالرأي أوك إذا ما في سبب ما لازم نتمسك بآرائنا. 

النوع التاني إنه هو ممكن يكون  بمر بلحظات صعبة، ممكن يكون مدايق، ممكن يكون مستاء من شيء معين، التصرف الأفضل هو مع الهدوء الإحتواء إنه نحنا نحاول نهديه، نحاول نحتويه، ما نتشتت بإشي عم بصير حوالينا لو كنا بمكان عام مثلاً، نظرات الناس إلنا ما يهمنا أبداً نظرات حدا، نركز مع طفلنا، نحتويه، نضمه، نحاول نهديه، ممكن كمان نستخدم معه استراتيجية إنه إحنا نشتته بإشي محبب لإله، نشتته نذكره بمعزز قوي لإله إنه هو يطلع من التفكير في الإشي السلبي إلي عم بفكر فيه أو إلي مسببله حالة نفسية سيئة فممكن مثلاً نذكره بنشاط بحبه، ممكن نذكره بأكله بحبها، ممكن نذكره بموقف صار معنا هو متذكره منيح وبحبه ونحاول نعدي هاد الموقف على خير وإن شاء الله كل أولادنا بقضوا كل اللحظات رايقة وحلوة.

مرض التوحد من الأخطاء الشائعة، فهو اضطراب تطوري (اضطراب نمائي) وليس مرض.

Date

2018/11/05

Profile pic

بدوافع شخصية بعد تشخيص طفلي باضطراب طيف التوحد بدأت العمل في مجال التنظيم المجتمعي والعمل الاجتماعي بهدف الوصول إلى الحقوق الأساسية للأطفال ذوي الاحتياجات الخاصة. خلال هذه الفترة أسست ملتقى طيف التوحد، اكتسبت خبرة وتاريخًا في العمل كمدير مجتمعي بمنصة حبايبنا.نت من خلال استخدام وسائل التواصل الاجتماعي وأدوات السرد القصصي. لدي أيضًا خبرات في الإدارة، التنظيم والقيادة.

 

اترك تعليقاً