اضطراب فرط الحركة وعلاقته بالغذاء

Date

2018/11/14

Profile pic

أخصائية تغذية

في هذا الفيديو  تتحدث أخصائية التغذية أمل أبو شيخة عن اضطراب فرط الحركة وعلاقته بالغذاء

علاقة الأغذية بفرط الحركة وعلاقة السكريات بفرط الحركة ، هلأ أوجدت الدراسات إنه الالتزام بنظام غذائي صحي فعلا عم بساعد على الهدوء وعلى زيادة التركيز للأطفال اللي بعانوا من فرط بالحركة ، وبالعكس من ذلك ، الأغذية العالية بالسكريات والمواد الملونة هي فعلا مواد عم بتزيد عندهم النشاط وبتزيد عندهم الحركة ، من هاي الأغذية اللي كثير بتزيد عندهم السكريات ، السكريات الموجودة بالمواد الملونة والأطعمة الغنية بالسكريات مثل المشروبات الغازية ، هاي مواد كلها بتزيد نسبة السكر بالدم وبالتالي تعمل على رفع الأنسولين بالدم لحتى ينظم هاد السكر ، وبالتالي الخلل بالسكر بالدم لدى الطفل عم بأدي لخلل بسلوكه ، خلل بحركته وبنشاطه .

هلأ كل هاي السكريات هي عبارة عن طاقة لما تزيد بشكل كثير عالي عند الطفل ، الجسم راح يفرغها أو راح يتخلص منها عن طريق زيادة النشاط وزيادة الحركة ، بالتالي احنا لازم نستبدل هذه الأغذية بأغذية صحية ، كيف ؟ مثلا : المشروبات الغازية الأم فيها تستبدلها بالعصائر الطبيعية ، الكوكتيل المحضر من الحليب مع الموز أو الفراولة مع الموز مع الحليب بدون اضافة أي سكريات ، فيك تقطعي الفواكه وتعمليها كسلطة (سلطة فواكه) ح يجذبه الألوان الموجودة فيها ، وحياكلها بشكل أكبر ، اللبن المنكه بدلا عنه فيك أنت تعملي لبن منكه ، فيك تقطعي الفواكه ووتحطيله اياها أو حتى تخلطي هاي الفواكه وضفيها للبن ، حيتغير لونها ويحبها الطفل ، أهم شي كمان انو احنا نقسم الوجبات لثلاث وجبات رئيسية ونعطيه سناك ، نعطيه وجبات خفيفة بيناتهم ، حتى ما يضطر يشعر بالجوع ، لأنه كل ما شعر بالجوع راح يضطر ياخد طاقة وياخد سعرات حرارية من السكريات ، لأ انت طعميه بين الوجبات مثل المكسرات ومثل الفواكه المجففة ، كل هاي المواد فيها مضادات أكسدة بتساعد على التركيز وبتعطي شعور بالهدوء ، بتخفف عنده الحركة وبتزيد عنده الانتباه .

Date

2018/11/14

Profile pic

أخصائية تغذية، ماجستير في التغذية من جامعة العلوم والتكنولوجيا، خبرة ٩ سنوات مستشفى الجلدية والجراحة التجميلية في الرياض، السعودية، حاصلة على ترخيص الهيئة السعودية للتخصصات الصحية وعضو في الجمعية السعودية للغذاء والتغذية، وعضو في الجمعية الأردنية للغذاء والتغذية

اترك تعليقاً