ابنتي من ذوي التأخر التطوري فالقوة والإيمان سلاحي

Date

2018/11/12

Profile pic

أم لطفلة من ذوي التأخر التطوري (التأخر النمائي) وفرط الحركة

في هذا الفيديو تتحدث رولاند البواب أم لطفلة من ذوي التأخر التطوري وفرط الحركة عن الموازنة بين احتياجات الأبناء والمنزل بوجود ذوي التأخر التطوري (التأخر النمائي)

كيف بحافظ على توازني بين احتباجات ليلى وبين احتياجات بيتي وبين احتياجات اخوانها الثانيين ، بحس حالي شوي محظوظة بهاي الشغلة ، لأنه الحمدلله عندي زوج داعم ، بعرف انو احنا هلأ أولويتنا ومحور حياتنا هي ليلى ، لأنه لو ما اشتغلنا معها هلأ بكرا بيصير صعب خلص بوصلوا لمرحلة ما فيك ، فهلأ عز الشغل ، عز إنك تاخذها وتجيبها مراكز وتجيبها جلسات ومدارس وادور اإلها ، الشغلة الثانية اللي الحمدلله كنت محظوظة فيها ، انو ليلى كانت اصغر إخوانها ، هاد كثير كثير بساعد ، يعني ولادي كانوا بمرحلة أنا مخلصة من دراستهم بقدروا يدرسوا لحالهم .

ممكن أنا أرجع اراجع لهم أشياء بسيطة بس أنهم ما كانوا بحاجة لإلي، بدهم ادرسي اطعمي كذا ، خلص همه كانوا مستقلين بهاي الشغلة ، وأنا ربيت عندهم ليلى ، ماما احنا بنشتغل مع ليلى ، أنا يمكن عم بترك البيت لساعات كرمال أختكم وكرمالكم أنتوا بالمستقبل ، لاني أنا كل ما بشتغل معها ان شاء الله هي راح تتحسن ، فبكرا هي راح تساعدكم ، لما أنتوا تكبروا هي بتساعدكم وبنخفف العبء عليكم ، فأنت بدك تحاول يعني بين الثنين انك توازن ، مش غلط مرات خصوصا اذا كان عندك أطفال أصغر منها او أكبر بشوي منها انك مرات تترك طفل الاحتياجات الخاصة عند أي حدا بتقدر انك تأمن عليه ، وتطلع مع هاد الطفل الأصغر منها أو الأكبر شوي منها مرات ، تاخذه لحاله ، تشعره انه كل واحد اله أهميته ، بس إنو انتوا ما تزعلوا انو احنا عم نعتني فيها شوي أكثر لانه هي بحاجة لهاي العناية والدعم هلا .

Date

2018/11/12

Profile pic

أم لأربعة أبناء، أصغرهم ليلى من ذوي التحديات التطورية، تم تشخيص إبنتها على عمر ٤ سنين باضطراب فرط الحركة والتأخر التطوري (التأخر النمائي)، وبدأت من بعدها رحلة العلاج، تعتبر ليلى هدية من رب العالمين وأهم علاج هو الحب والتقبّل. أصبحت عضوة في عدة جمعيات لمساعدة الأطفال وتغيير نظرة المجتمع للأطفال ذوي الاحتياجات الخاصة.

 

اترك تعليقاً