أهمية تقبل الأهل لطفلهم من متلازمة داون

Date

2018/11/25

Profile pic

أم لشابة من متلازمة داون

في هذا الفيديو  تتحدث أماني أم لشابة  من متلازمة داون عن أهمية تقبل الأهل لطفلهم من متلازمة داون (Down Syndrome)

التقبل لولادنا ذو التحديات الخاصة لازم يبدأ من العيلة والأهل، أول شي الأب والأم والإخوان الموجودين بالبيت، لإنه إذا احنا ما تقبلناهم صح كيف إنت بدك تخلي المجتمع يحترم ولادك ويتقبلهم ويحتويهم ، احنا الحمدلله ما واجهنا أي مشكلة ، ياسمين ، اشياء طفيفة وسخيفة يعني غير مذكورة لإنه احنا طول الوقت كانت ياسمين وين ما كان معنا ، وين ما بنروح هي موجودة بكل مكان ، فالناس تعودت تشوف ياسمين وتحترمها لإنه احنا وين ما كان جبرناهم إنه ياسمين الها احترامها والها خصوصيتها فحقيقي أغلب المرات كانت الناس رائعين ولطيفين.

زي ما قلت بالبداية قليل لقينا في مثلا نظرات أو حكي أو اشي دايقنا بس هاد ما منعنا انه احنا نضلنا نطلع مع ياسمين، ونعلم الأهل التانين الي ولادهم عندهم تحديات خاصة انه لازم تجبروا المجتمع الي حواليكم انه يتقبلوا ولادكم ، وبرجع بنبدا انه هذا من العيلة ومن الوسط الي حواليك ، فبظن إنه مرة مرتين بتدايقوا بعدين بصير نوع من الاحترام لولادنا او إنه الناس تتعود تشوفهم جزء من المجتمع وهو موجود ويجب ان يحترم.