أهمية تعليم وتمكين الأشخاص من ذوي الإعاقة

Date

2018/11/12

Profile pic

ناشطة وريادية اجتماعية

في هذا الفيديو  تتحدث الناشطة والريادية الإجتماعية روان بركات عن أهمية تعليم وتمكين ذوي الإحتياجات الخاصة

من النسب اللي صدمتني آخر فترة نسبة التحاق الأشخاص ذوي الإعاقة بالتعليم ، وهالقضية جدا مهمة، الطفل ذوي الإعاقة كأي طفل آخر من حقه أنه يتعلم وبحاجة للتعليم كالأطفال الاخرين إذا ما بدي أبالغ وأقول أكتر من الأطفال الاخرين، وهون لما نحكي عن التعليم بتتشعب القضايا، بدنا نحكي عن فكرة أنه لسا مدارسنا غير دامجة وهاي حقيقة وهون لازم وزارة التربية تشتغل على خطين :

الخط الأول :اللي اله علاقة بتأهيل وتمكين المعلمين. 

الخط التاني : اللي اله علاقة بتمكين الطلبة، و تمكين الطلبة ما رح يصير بدون تغيير مناهج وتضمين الأشخاص ذوي الاعاقة ضمن المناهج المدرسية ويشوفها الطفل، لما يشوف طفل متلازم داون أو يشوف طفل على كرسي متحرك أو طفل كفيف ضمن الصور ببلش يدرك أنه في آخر وفي مختلف .

الجانب التاني والمهم جدا الأهل، أهالي ذوي الاعاقة إنتو أكتر ناس لازم تآمنوا بضرورة تعليم أبناءكم، بعرف إنه ممكن يكون العبء المادي كبير لكن حاولوا وأطرقوا الأبواب وما تتعاملوا بالموضوع إنه اشي إضافي "ويكتر خير الجهه الفلانيه انه قبلت ابني "، التعليم حق وإذا اضطريتوا دافعوا وناضلوا؛ عشان ابنكم يتعلم لأنه بدون معرفة وعلم رح يكون عبء على المجتمع بدل ما يكون شخص منتج وقادر أن يعطي كما أي شخص اخر .



 

Date

2018/11/12

Profile pic

تبلغ من العمر ٣٢ سنة، درست فنون مسرحية، بدأت التطوع والعمل المجتمعي من عمر صغير، من هوايتها القراءة والرياضة. أسست مؤسسة رنين، وهي عبارة عن مكتبة صوتية للأطفال فيها قصص مسموعة بشكل درامي ذلك من تجربتها الشخصية كشخص لديه إعاقة بصرية وحاجة المجتمع للإستماع كذلك تعنى بمنظومة تعلّمية متكاملة تركز على مهارات الاستماع والتواصل عند الطلبة

 

اترك تعليقاً