أهمية الرياضة في علاج أطفالنا ذوي التأخر التطوري

Date

2018/11/01

Profile pic

مديرة  مركز تأهيل مهني

في هذا الفيديو  تتحدث فلسطين عوض مديرة  مركز تأهيل مهني عن أهمية الرياضة في علاج أطفالنا ذوي التأخر التطوري (التأخر النمائي).

أكيد الرياضة بهاي المرحلة كثير مهمة، بس اختيار الرياضة المناسبة حسب إمكانيّاتهم، حسب قدراتهم، وحسب مراعاة كمان الفروقات الفرديّة والقدرات الجسديّة، بنعرف إنه كلنا بنعرف بهاي المرحلة بصير في اضطرابات بالنمو الإنفعالي فعدا على إنها الرياضة عمالها بتحسن من الصحة الجسديّة ومن الصحة العقليّة ومن مرونة العضلات والمفاصل، وبتساعد على المهارات الحركيّة. كتير أهم إنها عمالها بتشتغل على النواحي النفسيّة، عم بتحسن الصحة النفسيّة، وهاد بالنسبة إلنا كتير أهم بهاي المرحلة. وكتير عم بتزيد من الروح الإيجابيّة عندهم من خلال بناء علاقات اجتماعية، من خلال الألعاب الفرديّة والجماعيّة، فبصير عندهم أصحاب. هلأ بهاي الفترة الأصحاب معناه تغيير حياة بالنسبة إلهم. هاد كلو عم بساعد على التوازن الجسدي العاطفي، عم بساعدهم إنه يتكيفوا مع حالهم، يتكيفوا مع الناس إلي حواليهم. وهاد كلو بالنهاية عم بحسن المزاج.