أنشطة تنمي المهارات الحركية الدقيقة عند الطفل من المنزل

Date

2018/11/14

Profile pic

أخصائية علاج وظيفي 

في هذا الفيديو  تتحدث أخصائية العلاج الوظيفي  د. سنا عن أنشطة تنمي المهارات الحركية الدقيقة لدى الأطفال من المنزل

في كتير أشياء ممكن نعملها مع أولادنا في البيت حتى نساعد في تطور عضلاتهم الدقيقة وتطور مهاراتهم الدقيقة، أشياء ممكن نعملها معهم في المطبخ طبعاً حسب عمر الطفل وحسب قدراته الذهنية والإدراكية مثل تقطيع أشياء مختلفة في المطبخ، إذا عم نعمل عجينة يعجن معنا ويحاول يعمل أشكال مختلفة، ممكن يساعد في تنشيف بعض الصحون أو ترتيب الصحون البلاستيكية أو ترتيبها صحون بلاستيكية طبعاً، فأشياء مختلفة في المطبخ ممكن يسوي معنا. ممكن كمان نركز على الألعاب المختلفة مثل اللعب بالمعجون، اللعب بالألوان، اللعب بالمكعبات، كل هاي الأشياء عصفورين بحجر إحنا عم نشتغل على المهارات الدقيقة وكمان عم نشتغل على المهارات الذهنية والإدراكية عند الأولاد.

الإشي إلي كمان كتير بحسن من المهارات الدقيقة عند الأولاد إلي هي المهارات اليومية مثل يلبس لحاله، يشلح لحاله، ياكل لحاله، يمشط شعره لحاله، أنا بعرف إنه أيام إحنا بنكون مستعجلين وأيام بدنا نخلص هاي الأمور بسرعة لكن إذا عنا بحبوحة من الوقت أو في أيام نهاية الأسبوع إذا بنخلي الطفل يقوم بهاي الأشياء لحاله حتى لو بياخد وقت أكتر بما إنه بنكون مش مستعجلين بهاي الأيام كتير بتساعد في تطوير مهاراته ولها كمان تأثير إيجابي في تقوية ثقته بنفسه وكمان تأثير إيجابي على المهارات الإدراكية والذهنية.

Date

2018/11/14

Profile pic

زوجة و أم لثلاثة أبناء. حاصلة على دكتوراة في العلاج الوظيفي. تخصصها وحّبها وشغفها للعمل مع الأطفال والذين يواجهون مشاكل نمائية أو تطورية. تعمل حالياً في الجامعة الأردنية و تدرّس المواد التي تختص تطور الأطفال و العلاج الوظيفي و لها علاقة بالتحديات النمائية و تطورية و الذهنية كما أن لديها ابن أخت من ذوي التحديات التطورية

 

اترك تعليقاً