أمور على الأهل القيام بها بعد معرفتهم بوجود مشكلة نطقية لدى طفلهم

Date

2018/11/11

Profile pic

أخصائية نطق ولغة

في هذا الفيديو  تتحدث أخصائية النطق واللغة غدير صيصان عن أمور على الأهل القيام بها بعد معرفتهم بوجود مشكلة نطقية لدى طفلهم

أول ما أعرف بأنه طفلي عنده تأخر أواذا حاولت أقارن بينه وبين إخوته وأقرانه، وحسيت بأنه تطوره غير طبيعي أو غريب لازم أروح دغري إلى أخصائيي النطق واللغة لتقييم الطفل، لنساعده ولنعرف المشاكل يلي بواجها ونساعده إنه يواجهها، التقييم بساعدنا كتيرلنعرف نقاط الضعف والقوة عند الطفل، بعد التقييم نسمع لأخصائي النطق واللغة، ونعرف ايش طفلنا بحاجة ، فإذا كان بحاجة للجلسات بنخليه يروح، وأهم أمر على الأهل أنهم يراعوه مع الأخصائي هو أنه يقوموا بالعمل كفريق واحد، لازم على الأهل كمان إنهم يعرفوا بأن الجلسة الواحدة يلي بتكون في اليوم أوالأسبوع غير كافية قد ما ما كان وقتها 45 دقيقة أو ساعة فهي غير كافية، ولازم يعرفوا الأهل بأن العلاج هو عبارة عن تغيير نمط الحياة style أسلوب حياة جديد إلهم وللطفل، فأخصائي النطق واللغة بحاول أنه يساعدهم ويرشد الأهل على طريقة تواصلهم مع طفلهم و نقاط القوة والضعف، وإنهم يكملوا النصائح والإرشادات في البيت.

إذاً أول اشي يعمل جلسات الطفل، وتاني شي أنهم يتأكدوا الأهل بأنهم يمضوا وقت كافي مع طفلهم في قراءة القصص والطلعات واللعب التفاعلي و التمثيلي مثلا يقول الأم أو الأب لطفلهم يلا نلعب كعكة وشاي، يدخل مع أالماما للمطبخ ويساعدها ، ويكون متفاعل مع إخوته كمان، ودخوله للمدرسة والتفاعل مع الأطفال إذا كان عمر مناسب ومهاراته مناسبة وهاد الشي كتير مهم، ومن المهم كمان أنه يقللوا الأهل قدر المستطاع المدة الي بمضيها الطفل على التلفاز والهاتف والآيباد ويستبدلها باللعب خارج البيت متل يروح للبحر ويسبح ويلعب بالرمل ويروح للمنتزهات والمشي في الحدائق والغابات ويتسلق الجبال ويعمل هايكينغ، يعني يعمل هاي النشاطات وتكون بعيدة عن الأماكن المغلقة خارج البيت.