أكثر الصفات التي أحبها في طفلي ذو اضطراب طيف التوحد

Date

2018/11/05

في هذا الفيديو  يتحدث مصطفى دنو أب لطفل لديه اضطراب طيف التوحد عن أكثر الصفات التي يحبها في طفله ذو اضطراب  طيف التوحد.

من أكتر الأشياء إلي بحبها في عبود البراءة جداً بريء مش بس عبود كل ولادنا، الإبتسامة الحلوة، الضحكة، الروح المرحة، الإيجابية الموجودة عنده أظن موجودة عنده أكتر ما هي موجودة عندي. 

في إشي كمان كتير مهم هو الثقة بالنفس، لما دايماً ألاقيه واثق بحاله ويقولي عبود شطور، عبود بطل بيعطيني إيمان أكتر إنه بكرة أحلى وإنه عبود كل يوم إن شاء الله حيطور عن اليوم إلي قبله، بيعطيني حافز إني أكمل، بيعطيني حافز إني أكون سعيد بحياتي مش أعدي حياتي وأنا ضغط و stress وهيك أشياء، في كمان إشي إنه عبود عنده تحدي وهو قادر إنه يمشي مشواره بهالقوة فإذن إحنا عيب علينا أنا بحكي عن نفسي عيب علينا نكون ضعفاء أو نستسلم اتجاه ضغوطات الحياة، بعطينا حافز أكتر إنه نعيش حياتنا بإيجابية ونكمل ونكون سعداء ومبسوطين.

مرض التوحد من الأخطاء الشائعة ، فهو اضطراب تطوري (اضطراب نمائي) وليس مرض.